Baydhabo Somaliya{WMN}-Qaraxa dhacay sagaalkii subaxnimo ee maanta ayaa waxuu ahaa Gaari Noha ah oo laga soo buuxiyey waxyaabaha Qarxa,Gaariga oo ka yimid dhinaca wadada aada Muqdisho ayaa waxuu qarxay ka,dib markii ay joojiyeen Ciidamada Ethopia ee ku sugan degmada Baardheere,sida la sheegayo markii ay ka war heleen goor dambe oo xaley ah inuu degmada uu ku soo wajahan yahay gaari lagu soo raray walxaha Qarxa .
Sida aan ka soo xiganey Saraakiisha Ciidamada DF ee Baardheere ayaa waxay sheegeen in Qaraxa oo la fashaliyey in ay ku dhinteen ilaa 3 ruux oo uu ku jiro naftii hurahii halka dhaawacana uu gaarayo ilaa 2 ruux kale.
Goobta oo aan saaka booqaney ayaa waxaan ku aragney jirka qeybo ka mid ah dadkii waxyeelada ay ka soo gaartey Qaraxaasi oo daadsan goobtii gaariga uu ku Qarxay,waxaana gebi ahaanba la waayey waxii ka harey Gaariga qarxey.
Waana markii ugu horey Baabuur laga soo buuxiyey walxaha qarxa uu u soo jiheysto degmada Baardheere.
