Madaxweynaha Dowlad gobaleedka Koonfur Galbeed Cabdiasiis Xasan Maxamed Lafta gareen ayaa ka qeyb galey daahfurka qorshaha horumarinta qaranka Sagaalaad kaas oo kulan lagu daah furayay lagu qabtay xarunta KMG ah KOonfur galbeed ee Magaalada Baydhabo.
Wasaarada qorsheynta,Maalgashiga iyo Horumarinta dhaqaalaha ee xukuumada Soomaaliya oo kaashaneysa Wasaarada qorsheynta Koonfur galbeed ayaa wada barnaamijkan,iyadoona ay ka qeyb galeen Madaxda Wasaaradaha ee labada dhinac ee haar fadaraal iyo maamul gobaleed.
Agaasimaha Wasaarada qorsheynta,Maalgashiga iyo Horumarinta Xukuumada Soomaaliya Asad Yuusuf ayaa marka hore sharaxaya qorshahan horumarinta Qaranka sagaalaad ee hada wasaarada ay wado wuxuu yahay iyo sida la rabo iney bulshada koonfur galbeed uga qeyb qaataan.
Siihayaha Wasiirka wasaarada Qorsheynta Maamulka Koonfur galbeed Candinsir Caruush ayaa ka Hadley waxaa uu kaga duwanyahay Qorshaha horumarinta qaranka sided ee hada gaba gabada maraya iyo midkan cusub oo hada diyaarintiisa socota.
Cabdiasiis Xasan Maxamed Lafta gareen Madaxweynaha Maamulka Koonfur galbeed ayaa dhankiisa soo dhaweeyey qorshaha horumarinta qaranka sagalaad isagoona bulshada u sheegey iney ka soo gudbiyaan wax yaabaha uga daran ee wax looga qabanayo isagoona daahfurey gaba gabadii.
