Baydhabo Somaliya[WMN}-Halkani waa kaydka daawaada wasaaradda caafimaadka Koonfur Galbeed, waxaa booqanaya madaxweynaha Koonfur Galbeed Cabdicasiis Xasan Maxamed Laftagareen oo ay wehliyaan qaar ka tirsan golihiisa wasiirada, waxaa uu warbixin ka dhgaysanayaa Agaasimaha wasaaradda Caafimaadka Isaaq Fanax oo u faahfaahinaya kaydka dawada wasaaradda caafimaadka.
Sii hayaha xilka wasaaradda caafimaadka dhowaanna loo magacaabay wasiirka amniga Dowlad Goboleedka Koonfur Galbeed oo warbaahinta la hadlay markii uu soo dhammaaday kormeerka madaxweynaha ee baraha fayadhowrka ayaa ka hadlay waxqabadka wasaaradda mudadii uu wasiirka ka haa.
Sidoo kale madaxweynaha waxaa uu booqday isbitaalka guud ee magaalada Baydhabo, halkaasoo uu ku booqday bukaano ku jira Isbitaalka kuwaasoo qaarkood uu sheegay madaxweynaha in ay u raadin doonaan dawayn dalka banaankiisa ah, waxaan uu madaxweynaha u mahad celiyay shaqaalaha caafimaadka eek a hoowlgala sid ay ugu adkaystaeen daruufaha dhaqaale ee jira u adeegida bulshada.
Madaxweynaha Koonfur Galbeed Cabdi Casiis Lafta gareen oo la doortay 19 kii December ayaa markii uu ku jiray ololaha doorashadiisa qudbaddiisa waxaa ka mid ahaa, in marka la doorto wax wayn ka qaban doono adeegga caafimaadka, waxaana booqashadiisii ugu horaysay uu ku tegay kaydka wasaaradda caafimaadka iyo Isbitaalka wayn taasoo u muuqata in madaxweynaha uu sidii uu balan qaaday doonayo in caafimaadka uu ka dhigto bartilmaalmeedkiisa koowaada si bulshada KG u hesho daryeel caafimaad oo la isku lahayn karo.