Sanadwalba 21-febuary guud ahaan waxaa laga xusaa dalka oo dhan maalinta caalamiga ah ee afka hooyo,Magaalada Baydhabo ayaa qeyb ka ah magaalooyinka dalka ee xuska maalintan uu ka dhacay.
Akdeemiyad Gobaleedka marka magaceeda lasoo gaabo loo yaaqaano AGA oo u taagan horumarinta afsoomaaliga ayaa munaasabad lagu xusayay maalintan ku qabtay xarunta KMG ah koonfur galbeed ee Magaalada Baydhabo.
Dr,Maxamed Cali Kalay oo ah wakiilka akdeemiyada ee koonfur galbeed ayaa furey u jeedada munaasabada iyo muhiimada ay leedahay maalintan,iyadoona boorka hal ku dhiga sanadkan uu ahaa afka hooyo waa furaha dib u heshiisiinta bulshada.
Xubno ka socodey Ururada bulshada rayidka ahoo kulanka ku casuunaa oo hadlay ayaa dul istaagey munaasabada maalinta afka hooyo,iyadoo si gaar ah ksoo qeyb galayaasha uga hadlayeen afka Mayga horumarintiisa maadama afsoomaaliga uu yahay May iyo Maxatiri sidii uu ula mid noqon lahaa kan maxaaga qoraal ahaan iyo ku hadalkiisaba.
Muxidiin xusni oo ah gudoomiye ku xigeenka koowaad ee Ururka suxufiyiinta qaranka soomaaliyeed ee NUSOJ ahna Gudoomiyaha ururka Suxifiyiinta Koonfur galbeed SOWEJA oo goobta ka Hadley ayaa sheegey in warbaahintu door weyn ka qaadan karto horumarinta Afla hooyo iyo inuusan baabi,in afka uu uusan ku milmin Luqadaha Ajanabiga ah sida hadaba loo barxo oo dadka qaar marka ay hadlayaan soo dhax geliyaan afafka qalaad Ingiriiskana u badan yahay.
Waa sanadkii afaraad oo akdeemiyed gobaleedka Afka hooyo ee AGA ka hirgeliso xuska maalintan deegaanada Koonfur galbeed,waxaana inta badan diirada lagu saaraa afka mayga sidii u noqon lahaa af qoran oo leh qaamuus isaga u gaar ah..
Mukhtaar sheikh aadan dalmar oo ah qoraa iyo baare murtida af mayga ayaa ka Hadley erey bixinta ay kusoo kordhiyeen warbaahinta iyo doorka ay ku leedahay warbaahinta nooleynta afka.
