Dhgeyso+Sawiro:- Wareegto ka soo baxday Hey’adda Sirdoonka iyo Nabadsugida Qaranka (NISA) ayaa lagu eryay xubno ka tirsanaa Hey’adda, kuwaasoo lagu eedeeyay inay ka hor yimaadeen hannaanka shaqo gudasho.
Xubnahan oo ka kooban shan xubnood oo aan magacyadooda la sheegin ayaa la shaaciyay in aan lagu aamini karin shaqo Qaran oo xasaasi ah, aysan u qalmin ka sii mid ahaanshaha NISA.
Wareegtadan oo lagu qoray barta Twitter-ka ee NISA ayaa la sii raacin faah faahin kale, hase ahaateen go’aankan ayaa qeyb ka ah go’aano si is-daba joog ah Hey’adda uga soo baxayay, tan iyo markii maamulkeeda la wareegay Fahad Yaasiin.
Hey’adda NISA ayaa muddo 10 bilood ku dhow laheyn Taliye, iyadoo bishii October ee sanadkii hore uu iska casilay xilkaas Taliyihii hore Xuseen Cusmaan Xuseen, hase ahaatee waxaa xilka si Kusime ahaan u sii haya Taliye kuxigeenka NISA Fahad Yaasiin oo ah xilligan ninka ugu awoodda badan ee Hey’adda maamula, isagoo aan laheyn Kuxigeen.