Fagaare ku yaalla degaan aan magaciisa la sheegin oo hoos taga degmada Qoryooley ee gobolka Sh/hoose ayaa maanta gelinkii dambe lagu dilay nin lagu eedeeyey inuu ahaa saaxir sida ay baahisay warbaahinta Al-Shabaab.
Maxkamadda Al-shabaab ee gobolka Sh/hoose ayaa xukun dil ah ku riday nin 50 sana jir ah oo lagu magacaabi jiray Abuukar Xaaji Cumar kaasoo la sheegay inuu dad badan sixir ku dhibaateeyey.
Al-shabaab ayaa sheegtay in ninkan Maxkamadda horteeda ka qirtay inuu muddo 5 sana ah oo ku shaqeysanayay sixirka, uuna dad badan ku sameeyey sixir.
Dad fara badan oo ay soo saareen Al-shabaab ayaa iskugu soo baxay goobta lagu toogtay ninkan, iyadoo daawanayey sida xukunkaas loo fulinayey.
