Ra’iisul wasaaraha Taliban ayaa Arbacadii ku booriyay dalalka Islaamka inay aqoonsadaan dowladooda. Afgaanistaan, oo ku tiirsan kaalmada shisheeye, ayaa maalmahan dhaqaale ahaan burburay.
Ilaa hadda ma jiro waddan aqoonsan Taliban. Hadda qof kastaa wuxuu eegayaa sida Taalibaan, ay u hogaamiso Afghanistan. Markii ugu horeysay ee Taliban ay xukunka la wareegeen Afgaanistaan 1996, waxay caan ku ahayd xadgudubyada xuquuqda aadanaha.
Si kastaba ha ahaatee, markan Taliban waxay sheegtay in shareecada adag ee ee ay ku maamulayeen la khafiifin doono laakin hadda intii ay jirtay xukuumadda Taalibaan, haweenka ayaa laga tuuray shaqooyinkii dowladda, gabdhaha xitaa ma awoodaan in ay iskuulada aadaan.
Isagoo ka hadlayay shir jaraa’id oo uu Arbacadii ku qabtay magaalada Kabul, Ra’iisul Wasaaraha Taliban Mullah Mohammad Hassan Akhund ayaa yiri, “Waxaan ka codsanayaa dalalka Muslimka ah inay si rasmi ah noo aqoonsadaan, intaas kaddib waxaan rajeyneynaa inaan si degdeg ah ugu soconno waddada horumarka. Taalibaan waxay buuxisay dhammaan shuruudaha lagama maarmaanka u ah soo celinta nabadda iyo amniga.”
Sida laga soo xigtay wargeyska Tolo News ee Afgaanistaan ka soo baxa, Mullah Akhund wuxuu yiri, “Waa inaan mar dambe la sugin aqoonsiga dalalka Islaamka, aqoonsi la’aanta awgeed, waxaan wajahaynaa dhibaatooyin heerar badan ah, oo uu dhaqaalaha ugu horreya sidaas haddii dhaqaalaha isbaddalo, markaas Afgaanistaan waxaa laga yaabaa inay ka baxdo. dhibaatada taagan.
Afgaanistaan waxaa hareeyay dhibaatooyinka dhanka musiibooyinka bini’aadantinimo. Tan iyo markii Taliban ay la wareegeen awoodda Afgaanistaan bishii Ogosto ee sannadkii hore, dalalka reer galbeedka ayaa jaray kaalmada caalamiga ah, waxayna la wareegeen hanti balaayiin doolar ah. Afgaanistaan waxay si buuxda ugu tiirsanayd dalalka hela kaalmada shisheeye markii ay meesha ay ka talinaysay dawladdii hore ee Maraykanku taageerayey.
Tan iyo markii ay Taliban talada la wareegtay, xitaa shaqaalaha dowladda ma helaan mushaar. Arbacadii, Ururka Shaqaalaha Caalamiga ah ayaa sheegay in shan kun oo qof ay shaqooyinkoodii ku waayeen gudaha Afgaanistaan . Haweenka ayaa dhibaatada ugu daran soo gaartay. Qaramada Midoobay ayaa sheegtay in kala bar dadka Afgaanistaan ay soo wajahday xaalad cunto yari.
Doorka Pakistan ay ku leedahay dib u soo celinta Talibaan ayaa sidoo kale dad badan ay u arkaan shaki, laakiin Pakistan wali ma aysan siin aqoonsi rasmi ah dowladda Taliban. Si kastaba ha ahaatee, xiriirka diblumaasiyadeed ee Pakistan ayaa weli jira. Qadar waxay ahayd dhexdhexaadiye markii ay Maraykanka iyo Taalibaan wada hadlayeen, laakiin iyadana wali ma aysan aqoonsan.
Bishii Sebtembar ee sannadkii hore, Qadar ayaa muujisay sida ay uga xun tahay mowqifka Talibaan, kaddib markii ay la wareegtay hoggaanka Afgaanistaan.
Qadar ayaa sheegtay in go’aanka Taliban ay ka qaateen gabdhaha uu yahay mid niyad jab leh. Waxa ay sheegtay in uu yahay go’aan dib u habeyn ah. Wasiirka arrimaha dibadda Qadar Sheikh Mohammed bin Abdulrahman Al Thani ayaa yiri: “Taalibaan waa inay eektaa sida maamulka islaamiga ee Qatar uu wax u maamulo.
