Ciidamada oo isugu jira kuwa Daraawiishta iyo kuwa PSF & PMPF ayaa sigaar ah howlgalka uga fuliyay degaannada buuraleyda ee Golis iyo Cal-miskaad ee Gobolka Bari, halkaas oo ay aad ugu xoogan yihiin Al-Shabaab iyo Kooxda Daacish.
Saraakiisha Ciidamada Puntland ayaa sheegay inay howlgalka ku bur buriyeen saldhigyo ciidan oo ay isaga tageen Al-Shabaab , isla markaana keyd badan u yaallay, wallow aysan sheegin dad ay kusoo qabteen howlgalkaas.
Waxaa sidoo kale ay sheegeen inay sii wadi doonaan howlgallada ka dhanka ah Al-Shabaab iyo Daacish ilaa iyo inta ay ka saarayaan degaannadaas, iyada oo Ciidamada kala duwan ee difaaca Puntland ay dhowr jeer howlgallo ka fuliyeen dhulka Buuraleyda ah ee Gobolka Bari.
Maamulka Puntland ayaa dagaal xoogan kula jira Al-Shabaab iyo Daacish, waxaana dhowr jeer Xubno katirsan Al-Shabaab oo kasoo baxay dhulka Buuraleyda ah ay weeraro ka fuliyeen Magaalada Boosaaso ee Gobolka Bari.
