War kasoo baxay Ciidamada Badda Dowlad-Goboleedka Puntland ee PMPF ayaa lagu sheegay in howlgal ka dhacay Degmada Xeebta leh ee Eyl in lagu qabtay Doon wadday Budooyinka loo adeegsado Qaraxyada iyo 7 ruux oo la socotay.
Dadka la qabtay ayaa la sheegay in 5 kamid ah ay yihiin Soomaali halka 2 kalena ay u dhasheen Dalka Yemen kuwaas oo haatan baaris dheeraad ah lagu wado si loo helo xog kale oo dheeraad ah oo ku saabsan budada lagu qabtay.
Dowlad-Goboleedka Puntland ayaa sheegtay in Budooyinka la qabtay lagu shubo Jaakadaha loo adeegsado qaraxyada kuwaas oo waxyeello ba’an gaysta marka qaraxaas uu u dhaco sida loo qorsheeyay sida warka lagu sheegay.
Puntland ayaa dagaal adag kula jirta Daacish, waxa ay ciidamada ammaanka Dowlad-Goboleedkaas kordhiyay la socodka dhaqdhaqaaqa dhinacyada dhulka iyo badda ee gurmadka uga gudbi karo Kooxdaas.
