Golaha Shacabka Baarlamaanka 11aad ee JFS waxaa maanta la horgeeyay sharciga Boliiska Soomaaliyeed oo wax ka baddel lagu sameeyay, waxaa qodobada qaar doodo ka keenay Xildhibaanno katirsan Golahaas oo dul istaagay qodobadaas.
Xubno katirsan Guddiga Arrimaha Gudaha & Amniga Baarlamaanka Federaalka Soomaaliya ayaa sheegay in ay u yeeri doonnaan Saraakiisha Ciidamada Xukuma si ay su’aalo uga weydiinayaan arrimo aysan sii hordhicin.
Xildhibaannada qaar ayaa sheegay in sharcigaan uu keliya ka hadlayo Booliiska Federaalka lagana tagay kuwa Dowlad-Goboleedyada, waxa ay ku baaqeen in dib u eegis lagu sameeyo qodobada ay calaamadeeyeen Xildhibaannadu sida ay hadalka u dhigeen.
Qaar kale ayaa taageeray wax ka baddelkaan iyaga oo doodahooda ku xoojiyay waxyaabaha muhiimka ah ee lasoo kordhiyay maadaama xaalado kala duwan uu soo maray ciidankaan kuna shaqaynayo ilaa hadda sida ay warkooda u dhigeen.
Booliiska Soomaaliya waxaa la aasaasay 20kii December sanadkii 1943dii, todobo cisho kaddib waxa uu galayaa sanadkii 82aad, waxa uu muddo dheer ku shaqaynayay shuruucdii horay loogu dajiyay oo haatan wax ka baddel lagu sameeyay.
