Baydhabo Somaliya{WMN}- Gudoomiyaha baarlamaanka federaalka Soomaaliya Maxamed Cabdiraxmaan Sheekh Mursal ayaa kulamo gooni gooni ah la yeelanaya bulshada qaybaheeda kala duwan si uu u booga dhayo fadqalaladii siyaasadeed eek a dhalatay xarigii musharax madaxweyne Mukhtaar Rooboow Cali Abuu Mansuur oo ciidamada Itoobiya ka qabteen gudaha nmadaxtooyada koonfur Galbeed 13 kii Desember sanadkii tegay 2018kii.
Kulankani waxaa uu ka dhacay xarunta wasaaradda warfaafinta Koonfur Galbeed, waxaa ka qayb galay xildhibaano ka tirsan Baarlamaanka, Odayaal dhaqameedyo iyo qaybaha kale ee bulshada. Intii kulanka uu socday waxaa Gudoomiyaha Baarlamaanka uu warbixino ka dhagaystay Odayaasha dhaqanka oo ku aadan sida loo wajahayo xalinta dhibaatooyinka dhacay ka hor doorashadii Koonfur Galbeed.
Kadib markii uu dhagaystay gudoomiye Mursal afkaarta Odayaasha ayuu hadlay, waxaana uu aad u aamanay sama jaceelka Odayaasha iyo sida ay mar walba ugu heelanyihiin ka shaqaynta maslaxada dadka iyo deegaanka isagoona aqbalay codsigii odayaasha iyo qabaha bulshada ee ahaa in xoriyaddisa dib loogu soo celiya Sheekh Mukhtaar Rooboow si uu qayb uga noqdo dadaalada socda ee lagu xalinayo mushkiladihii ka dhashay xarigiisa.
In uu joogayo Baydhabo, oo kala shaqaynayo madaxweynaha Koonfur Galbeed dib u heshiisiinta iyo wada xaajoodyada lagu xalinayo shaqaaqooyinkii dhiiga ku daaday eek a dhacay Baydhabo intii u dhaxaysay 13-15kii December, waxayna u muuqataa in uu ka dhabeeyay gudoomiyaha hadlkiisa, waxaana uu u muuqdaa iminka in uu horumar ka samaynayo oo maalmaha soo socda uu ku rajo weynyahay in uu soo afjari doono mushkiladda xalkeeda uu kaabi u joogo.
