Faah faahino dheeraad ah ayaa waxaa ay kasoo baxayaan weerar qaraxyo ku billaawday oo Xubno katirsan Ururka Al-Shabaab ay ku qaadeen Saldhig Ciidamada dowladda ku leeyihiin degaanka Geedweyne oo katirsan Gobolka Gedo ee Maamulka Jubbaland.Goobjoogayaal ku sugan degaanka Goodweyne oo hoostaga degmada Doolow ayaa sheegay in qaraxa kadib uu dhacay dagaal xooganaa oo socday ku dhawaad saacad kaas oo u dhaxeeyay Ciidamada dowladda iyo Al-Shabaab.Waxaa jira khasaaro dhimasho iyo dhaawac ah oo ka dhashay dagaalka wallow aan weli laga helin faah faahintas rasmiga ah, isla markaana saraakiisha Ciidamada xoogga dalka Soomaaliyeed ee Gobolka Gedo aysan weli ka hadlin.Wararkii ugu dambeeyay ee naga soo gaaraya degaanka Geedweyne oo katirsan Gobolka Gedo ayaa sheegaya in Ciidamada xoogga dalka ay wadaan howlgallo ay ku baadi goobayaan Xubnihii ka tirsanaa Al-Shabaab ee soo weeraray.
