Baydhowy-{WMN}-Hoos ka dhaegeyo Warka DUhurnimo ee Idaacada Warsan oo aqrinayo Yuusuf Sheekh Aadan (Qalinle)
ATEERA
Jubbaland Oo Soo Bandhigtay Ciidankii Ugu Badnaa Ee Loo Diyaariyay Dagaalka AL-Shabaab
Baydhowy-{WMN}-Madaxweynaha Dowlad Goboleedka Jubaland Axmed Maxamed Islaam, ayaa maanta booqasho iyo salaan ugu tagay Ciidamada Qalabka sida ee loo diyaariyay howlgalka dhawaan ka bilaabanaya deegaanada Jubaland.
Madaxweynaha waxaa wehelinayay Wasiirka Difaaca Dowlada Federaalka Cabdulqaadir Maxamed Nuur iyo Taliyaha Ciidamada xooga dalka Sareeye Guuto Odowaa Yusuf Raage oo Jubaland u joogay Maalmahan sidii Dowlada Federaalka iyo Jubaland ay u bilaabi lahayeen howlgalo midaysan oo laguladagaalamaayo Al-Shabaab.
Ugu horayn Madaxweynaha ayaa tilmaamay in Ciidamadan ay ka kooban yihiin noocyada kala duwan ee Ciidamada Jubaland iyo kuwa xooga dalka isla markana ay diyaar u yihiin xoraynta dalka.
Waxaa Madaxweynahu uu intaas ku daray in marka deegaanada la xoreeyo kadib ay diyaar yihiin hay’adahii la wareegi lahaa shaqada gaar ahaan Ciidamada Booliska iyo Nabadsugida sidoo kalana la bilaabi doono sidii dadka deegaanka ay usoo dooran lahayeen dadka u adeegaya.
Madaxweynaha ayaa sheegay in Al-Shabaab lagu jabiyay dagaalka kasocda gobolada dalka isla markaan la is raacin doono lagana xoraynayo deegaanada Jubaland oo ah halka howlgalka xoogiisa uu ka bilaaban doono isagoo uga digay dadka shacabka ah inay ku kadsoomaan dacaayadaha iyo wararka beenta ah ee khawaariijtu ay faafinayso.
Ugu danbayntii Madaxweynaha ayaa ku amaanay Dowlada Madaxweyne Xasan sheikh Maxamuud iyo Ra’iisul Wasaaraha XFS Xamza Abdi Barre sida ay uga go’an tahay nabad kusoo celinta dalka iyo cirib tirka argagixisada taas oo hadaba guulo la taaban karo laga gaaray.
Hoos;-Dhageyso:- Barnaamijka Athiiny Kydeyooy qeybtiisa 21 aad Dhaqanka Soomaalida Iyo Ganacisiga Haweenka ? barnaamijkan waxaa iska kaashanayaan Idaacada Warsan iyo BBCMedia action,Waxaana Soo Jeedinayaa Wariye; Shukri Ismaciil Axmed ( Shukri bidhaan) Iyo Wariye; Muxudiin Xasan Maxamed (Xusni)
Baydhowy-{WMN}-Shirweynaha Caalamiga ee Malgashiga Soomaaliya oo ay ka soo qeybgaleen Madaxda Dowladda, Hey’adaha ka shaqeeya Mashaariicda, Ganacsatada, Maalgashadayaal caalami ah iyo Martisharaf kale ayaa goordhow ka furmaya magaalada Muqdishu.
Madaxweynaha Jamhuuriyadda Federaalka Somaliya, Mudane Xasan Sheikh Maxamuud oo ku sugan hoolka uu ka dhacaayo shirka ayaa ka jeedin doonno khudbad uu ku dhiirrigelinaayo Maalgashadayaasha iyo Ganacsatada Soomaaliyeed.
Wasiirka Wasaaradda Qorsheynta Mudane Maxamuud Cabdiraxmaan (Beenebeene) ayaa faa-faahin doona doorka Wasaaradda iyo sida ay uga go’antahay maalgelinta iyo dhiirrigelinta maalgashiga hal-buurka leh ee doonya in ay kor u qaadaan wax soosaarka gJudah dalkeenn.
Wasaarada Qorsheynta, Maalgashiga iyo Horumarinta Dhaqaalaha XFS oo udub dhaxaad u ah shirkaan ayaa ku casuumtay dhammaan Maalgashatada ajaanibta ah, Ganacsatada dalka, Qurba joogta iyo kuwa maxalliga ah ee gudaha dalka ka howlagala.
Kulankii Wada-Jirka Ahaa Ee Labada Gole Ee Baarlamaanka Oo Baaqday Kadib Weerarkii Hoteel Villa Rosa
Baydhowy-{WMN}-Waxaa Maanta baaqday kulankii wada-jirka ahaa ee labada gole ee Baarlamaanka Federaalka Soomaaliya,kaasi oo loo madalsanaa maanta.
Fariin lo dirtay Xildhibaanada ayaa loogu sheegay in gabi ahaanba uu baaqday kulankii wada-jirka ahaa ee labada gole, waxaana fariinta la raaciyay in dib laga soo sheegi doono xiliga la qabanayo fadhiga xiga.
“Dhammaan xildhibaanadda Golaha Shacabka BJFS waxaa lagu wargelinayaa in kulankii wada-jirka ahaa ee labada gole BFS dib loo dhigay. Guddoonka labada gole ayaa dib ka soo sheegi doona fadhiga xiga” ayaa lagu yiri Qoraal kasoo baxay Baarlamaanka.
Baaqashada kulanka ayaa la aaminsan yahay inay ka dambeysay kadib weerarkii dagaalamaayasha AL-Shabaab ay ku qaadeen hotel u dhaw maadxtooyada kaasi oo ilaa iyo haatan aan la shaacin khasaaraha ka dhashay weerarkaasi.
Xaflda Waxa Ka Soo Qayb Galay maamulka Degmda Wajid Uu Hogaamiyo Gudoomiyaha Degmada Wajid Mudane Mohamed Yussuf Ali , Sarakiisha Ururka 260,aad Guutada 9,aad Qaybta 60,aad Kuwa ATMIS iyo Talyaha Saldhiga Boliska Degmada Waajid.
Munasabadda intii ay Socotay Waxaa Bilad sharaf lagu Gadoonsiyey Guddomiyaha Degmada Waajid Isagoona Ku Mutaystay Sida Wanagsan Bulshada ugu Adeego, Sidoo kale Waxaa meesha Lagu dalacsiyey qaar kamid ah Ciidanka militariga ATMIS kuwii ugu shaqada Wanagsanaa. Mudadii ay ku sugnayeen Degmada Waajid Ee Gobolka Bokool.
Taliyaha Ciidanka ATMIS Qaybta Degmda Waajid Ayaa Ku Amaanay Guddomiyaha Degmada Waajid siduu ugu qayb qatay Amniga iyo Muddadii Uu xilka Hayey waxyabihii U qaybsoomay Hormarinta Degmada Waajid si Mar walba Ugu Qayb qaato horumarinta Degmada, isagoona Xusey In Gaddomiye Mohamed Yussuf Ali inta badan ka qayb qadanayo Howlgalada Ka dhanka Ururka AL-shabab.
Gaba-gabadii Guddomiyaha Degamda Waajid Mohamed Yussuf Ali ayaa U Mahadceliyey Taliyaha Ciidanka ATMIS iyo Ciidankiisa Sida Mar walba Ugu Qayb qataan Howlgalada Ka Dhanka ah Ururka Nabdiidka AL shabab .
Dhamaad.
Wasiirka Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS Mudane Abdullaahi Haaji Hassan Wasiiru dowlaha Madaxtooyadda Mudane Mohamud Mohamed Khaire Guddoomiyaha Gobolka Baay Mudane Abdifatah Mohamed Ibraahim Lataliyaha Madaxweynaha Maamul Daadajinta Mudane Abdirahmaan Ali Gaab ayaa si wadajir ah shahaadada xubinimada golaha deegaanka Degmada Bardaale u guddoonsiiyey 21-ka xubnood ee golaha deegaanka kuwaasi oo dhawaan ay doorteen bulshada Degmada Bardaale.
Wasiirka Arrimaha gudaha Koonfur Galbeed ayaa xubnaha golaha deegaanka oo labo kamid ah dumar yihiin kula dardaaramey inay dardargeliyaan howlaha hortabin u leh bulshada iyo deegaanka si loo gaaro horumar laga mahdiyo deeganka iyo guud ahaan Koonfur Galbeed.
Dagaalka oo u dhaxeeyay Ciidamada katirsan kuwa xoogga dalka Soomaliyeed iyo kuwa Maamulka Koonfur Galbeed oo dhinac ah iyo Al-Shabaab ayaa Maanta ka dhacay Degmada Qansax-dheere ee Gobolka Baay.
Dagaalka ayaa waxaa uu yimid kadib markii Xubno katirsan Ururka Al-Shabaab laga war heley iney isku soo caruuriyeen Deegaanka Baladul Aamiin oo kamid deeegaanada hoostaga Degmada Qansax dheere, kadib sidaas Ciidamada Dowlada ay dagaalka ugu qaadeen xubnihii ka tirsanaa Al-shabaab.
Dagaalka waxa uu ka dhashey khasaaro isugu jiraa dhimasho iyo dhaawac oo laba dhinac ah.
Saraakiil katirsan Ciidamada xoogga dalka ayaa sheegay in ay fashiliyeen weerarkii kaga yimid dhinaca Ururka Al-Shabaab , isla markaana khasaaro ay ku gaarsiiyeen dagaalkii ay la galeen, goobjoogayaal ayaa waxaa ay Idaacada Warsan u sheegeeen u sheegeen in weli rasaas goos goos ah laga maqlayo Degmada Qansaxdheere.
Gadoomiye ku xigeenka Amniga Gobolka Baay Isaaq Maxamed Korsaar oo wareysi siiyey Idaacada Warsan ayaa faa faahin ka bixiyey Dagaalka ka dhacay Degmada Qansax dheere ee Gobolka Baay, iyo Xaaladaha Amniga Degmooyinka iyo Deegaanada Gobolka Baay.
Wariye: Maxamuud Cali Cabdulaahi.
Baydhowy-{WMN}-Madaxweynaha Jamhuuriyadda Federaalka Soomaaliya Xasan Sheekh Maxamuud iyo Madaxweynaha Hirshabeelle Cali Cabdullaahi Xuseen Guudlaawe ayaa Maanta dhagax dhigay dhismaha garoonka diyaaradaha ee degmada Cadale oo si casri ah loo dhisi doono.
Garoonkaan diyaaradeed oo dhowaan dhismihiisu uu bilaaban doono ayaa wax badan kusoo kordhin doona harumarka deegaanka iyo isu socodka bulshada deegaannada Gobolka Shabeellaha Dhexe ee Maamulka Hirshabeelle.
Madaxweyne Cali Guudlaawe oo la hadlay warbaahinta ayaa waxaa uu sheegay in Maamulkiisa iyo bulshada Gobolka ay farxad u tahay dhagax dhiga Garoonka diyaaradeed ee la doonayo in laga dhiso degmada Cadale.
Wuxuu sheegay Guudlaawe in deegaanada Maamulka ay ka socdaan mashaariic kale oo horumar ah, isagoona intaas kusii daray in howlo ka socda Garoonka diyaaradaha magaalada Baladweyne ay iyaguna marayaan meel gaba-gabo ah.