Hoos ka dhageyso Warka Subaxnimo ee Idaacada Warsan oo aqrinayo Bilal Hilal Shueb.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.
Warar dheeraad ah ayaa laga helaaya Shil Diyaaradeed oo ka dhacay goordhawyed Garoonka Diyaaradaha Muqdisho ee Aadan Cadde.
Wararkii ugu dambeeyay ee aynu ka helayno shilkaasi ayaa waxaa ay tilmaamayaan in Diyaaradda Ethiopian airways in ay shil ay ku gashay gudaha garoonka diyaaradaha ee Magaalada muqdisho.
Waxaana la Shilkani yimid kadib markii mid ka mid ah garbaha diyaarada uu waxyeello soo gaaray xilli ay dooneysay in ay ka duusho Garoonka Aadan Cadde.
Wararka ayaa sheegaya in shaqaalaha iyo rakaabkii saarnaa diyaarada ay badqabaan, inkastoo la arkayay qiiq isku shareeyay hawada.
os ka dhageyso Warka Fiidnimo ee Idaacada Warsan oo Aqrinaayo Sadaam hilal Shueb.
Faah faahino dheeraad ah ayaa waxaa ay kasoo baxayaan rag hubeysan oo caawa bartamaha magaalada laas-Caanood ee Xarunta Gobolka Sool kudilay mid kamid ah waxgaradka Magaaladaas.
Ninka la dilay oo lagu Magacaabi jiray Cabdifitaax Cabdullaahi Cabdi (Hadraawi Sangub) ayaa xilliga la dilayay kasoo baxay Masjid uu kusoo dukaday Salaadii Cisha sida ay Warbaahinta u sheegeen dad goobjoogayaal ah.
Ciidamo katirsan kuwa Booliska Somaliland oo gacanta ku haaya Magaalada laas-Caanood ayaa tegay goobta uu dilka ka dhacay, hayeeshee kuma guuleysan inay qabtaan dadkii ka dambeeyay dilkaas.
Qaar kamid ah ehellada Ninka la dilay ayaa sidoo kale tegay goobta, iyaga oo meesha ka qaaday meydka Hadraawi Sangub, waxaana ay dalbadeen in gacanta lagu soo dhigo dadkii ka dambeeyay dilka.
Magaalada laas-Caanood ee Xarunta Gobolka Sool ayaa waxaa dhowr jeer ka dhacay dilal kala duwan, waxaana Xukuumadda Soomaaliya ay Magaalada kasoo musaafurisay dadka kasoo jeeda Koonfurta Soomaaliya, balse ay weli dilalka ka dhacayaan magaalada.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa shir guddoomiyay kalfadhiga labaad kulankiisa 3-aad ee wadajirka ah oo uu weheliyo Guddoomiyaha Aqalka Sare Cabdi Xaashi Cabdullahi.
Kulanka oo ay xaadir ahaayeen Maanta 178 mudane oo katirsan labada Aqal ayaa Ajandahiisu ahaa akhrinta 2-aad ee miisaaniyadda 2023-ka, iyada oo uu horyimid Xildhibaannada Wasiirka Wasaaradda Maaliyadda Dr Cilmi Maxamuud Nuur.
Kulanka waxaa goob joog ahaa ku-xigeennada labada aqal ee Golaha Shacabka iyo Aqalka Sarre iyadoo si qoto-dheer looga dooday kororka Miisaaniyadda 2023-ka. Waxaa xildhibaanadu ay su’aalooyin weeydiiyeen Wasiirka Wasaaradda Maaliyada Xukuumada Federaalka Soomaaliya Mudane Cilmi Maxamuud Nuur, isagoona faahfaahin ka bixiyay dhammaan weeydiimihii loo soo jeediyey.
Guddoomiyaha Golaha Shacabka BJFS ayaa ugu dambeyn soo xiray kulanka isagoo sheegay in dib loogu celin doono Guddiga Miisaaniyadda labada Aqal iyo Wasaaradda Maaliyada si loo tixgeliyo soo jeedinta xildhibaannada Baarlamaanka Jamhuuriyadda Federaalka Soomaaliya.
Guddida Diwaan galinta ururrada iyo Ansixinta Asxaabta Qaranka Somaliland ayaa sadexda xisbi qaran ee Kulmiye, Waddani iyo UCID ku war geliyay in Maanta oo ay tahay 26-ka Diisembar ku egtahay mudadii dhaqangalka liisimada xisbiyadaasi.
Hasa yeeshee waxaa go’aanka guddiga aashanka u daruuray xisbiga mucaaradka ah ee UCID.
Guddoomiyaha xisbigaas Feysal Cali Waraabe oo la hadlay Bbc-da wuxuu sheegay in qoraalka ay soo saareen uu yahay mid sharci darro ah oo uu u yeeriyay Madaxweynaha Somaliland Muuse Biixi cabdi.
Wuxuu hadalkiisa uu intaasi kudaray in Xisbiyada ay yihiin kuwo sharci ku fadhiya, balse maqaamkooda ay ku waayi karaan kaliya in la helo xisbiyo bedela.
Hoos ka dhageyso Warka Galabnimo ee Idaacada Warsan oo Aqrinaayo Yuusuf Sheikh aden (Qalinle).
Kulanka Xildhibaannada labada Aqal ee Baarlamaanka Soomaaliya ayaa goordhow ka furmay Xarunta Villa Hargeysa, waxaana siwadajir ah u guddoominaya guddoomiyeyaasha labada Aqal.
Shirka Xildhibaannada labada Aqal ayaa Ajandahiisa Maanta waxa uu yahay ka doodista Miisaaniyadda 2023, waxaana horyimid Wasiirka Wasaaradda Maaliyadda Dr Cilmi Maxamed Nuur.
Xildhibaannada labada Aqal ayaa dood adag ka leh miisaaniyadda dowladda ee 2023, iyada oo Xildhibaannada ay su’aalo weeydiinayaan Wasiirka Wasaaradda Maaliyadda Dr Cilmi Maxamed Nuur.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa guddoomiyey Shirka 4-aad ee Golaha Wadatashiga Qaranka ee Dowladda Federaalka iyo Dowlad-goboleedyada xubnaha ka ah oo maanta ka furmay Madaxtooyada Qaranka.
Shirkan ayaa Madaxdu waxay ku odroosayaan federaaleynta garsoorka iyo asteynta awoodaha heer Federaal iyo heer Dowlad-goboleed, arrinkan oo qeyb ka ah dhammeystirka fulinta qodobbadii warmurtiyeedkii ka soo baxay Shirkii Madasha Qaranka 3-aad ee ku soo gaba-gaboobay Muqdisho 12-kii Bishii Sebteembar.
Sidoo kale, Madaxda heer Federaal iyo heer Dowlad-goboleed waxay iska xog-wareysan doonaan xaaladda amniga dalka, gaar ahaan dagaalka ka dhanka ah Al-Shabaab oo Ciidamada Xoogga dalka ay ka soo hoyeen guulo waaweyn, kana xoreeyeen deeganno badan oo ay horey u heysteen.
Shirkan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku Xigeenka Xukuumadda Mudane Salah Jama, Madaxweyneyaasha Dowlad-Goboleedyada, Jubbaland Mudane Axmed Maxamed Islaam, Koonfur-Galbeed Mudane Cabdicasiis Xasan Maxamed, Puntland Mudane Saciid Cabdullahi Deni, Galmudug Mudane Axmed Cabdi Kaariye, Hirshabeelle Mudane Cali Guudlaawe Xuseen iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.