Faah faahinno dheeraad ah ayaa laga helayaa dagaal xooggan oo dagaalamaayasha AL-Shabaab iyo Ciidanka Jubbaland ku dhex-maray deegaanka Buulo Xaaji oo ka mid ah deegaanada hoostaga magaalada Kismaayo ee xarunta gobolka Jubbada Hoose.Wararku waxaa ay tilmaamayaan in dagaal xooggan oo la isku adeegsaday hubka noocyadiisa kala duwan uu ka dhacay degaankaasi, waxaana dadka degaanka ay soo sheegayaan inay maqlayeen daryanka hubka ay isku adeegsanayeen labada dhinac.Dagaalka ayaa yimid kadib markii Ciidanka Draawiishta Maamulka Jibbaland ay weerar ku qaadeen goobo ay ku sugnaayeen AL-Shabaab.Goorta weerarku dhacayay wxaa la sheegay in dagaalamaayasha Al-Shabaab uu degaankaas uga socday shir. Waxaana saraakiil ka tirsan Daraawiishta Jubbaland oo Warbaahinta la hadlay ay sheegeen inay khasaare gaarsiiyeen dagaalamayaashii ay weerareen.Dagaalkaasi ka dhacay degaanka Buulo Xaaji ayaa socday ku dhawaad laba saacadood oo xiriir ah, islamarkaana waxaa lasoo sheegayaa inuu jiro khasaaro dhimasho iyo dhaawacba leh oo kala gaaray labada dhinac, hayeeshee lama oga inta uu gaarsiisan yahay.
