Baydhabo Somaliya{WMN}-Warkeeni Habeenimo ee Idaacada Warsan waxaa soo saaray oo soo jeedin doono Wariye Maxamuud Cali Cbadillahi (Gaabsha)
Ateera
Wararka naga soo gaaraya Magaalada Kismaayo ee Caasimadda KMG ah ee maamulka Jubbaland ayaa waxa ay sheegayaan in Caawa halkasi ay ka socdaan kulamo siyaasadeed oo looga hadlaayo Xaaladda Siyaasadda dalka.
Kulamaddaan ayaa waxaa ka qeyb galaya xubno ka socda Siyaasiyiin xilal kala duwan kasoo qabtay Soomaaliya , Madaxweynaha Puntland iyo Kan Jubbaland.
Waxaa lagu waddaa in Madaxda ku sugan Kismaayo oo ay ku jiraan kuwo leh Miisaan siyaasadeed oo aad u culus in ay ku dhawaaqaan Isbaheysi looga soo horjeedo dowladda Soomaaliya.
Madaxdii ka qeyb gashay Caleema saarka Madaxweynaha Jubbaland ayaa intooda badan ku sugan Magaalada Kismaayo wali.
Xili ay bilaawdeen Roobabkii Deerta, ee fasalkaan oo maalmihii la soo dhaafayna si fiican uga da’ay Baydhabo, ayaa durba waxaa soo ifbaxaya sameynta uu ku yeeshay barkacyaasha degan duleedka Baydhabo, kuwii horay u deggannaa iyo kuwa cusub ee dhowaan soo gaaray.
Waxaa ay ka simanyihiin kuligood dhibaatada gurya xumada ee ah in aysan haysan meel ay roobka kaga gabadaan oo xaalkoodu yahay Alloow sahal u baahanayn ka sheekayn balse muuqata, dhibicda Roobka isku si ay ugu wada da’daa, sare jog ayuu waaga ugu wada baryaa iyagoo dhuraya biyo meel ay u daadiyeen jirin itaal iyo taak daro baday in ka soo dhuraan gudaha aqalada, deeyrkana ku daadiyaan dibna uu ugu soo noqdaan biyihii ay seeyreen iyagoo qulqul kuwii hore ka badan wata oo daruuro cusub biyahood ku soo darsameen.
Isxaaq Macalin waa hor joogaha kaamka Haluul iyo Harqaan, oo ah K aam cusub oo dadka ku jira dhawaantaan ka soo barakacay deeganadoodii kadib markii ay dhafeen xoolihii miyiga ay ku dhaqanayeen iyadoo horayna uga quustay dalag beeraha ugu soo go’ kadib markii labadii xili ugu dambeysay ay abaarsadeen beerahoodii, waxaana Isxaaq codsanayaa in gargaar deg-deg ah lala soo gaaro barakacayaashan cusub aqaladii balanbaalka ahaa ee ay ku gabanayeen daadku ugu soo galay.
Biyaa dhax waran cooshadaha ay degan yihiin oo ka sameysan Ullo, Maryo iyo Kartoomo ay ku dabdabeen xargo si ay u guryeystaan, iyagoo xiligii ay dhisayeen ay u muuqatay inay kaga gabbadaan Cad Ceedda, iyagoo naawilaayey in ka hor Roobka ay Bacaha roobka laga gallo kaheli doonaan hay’adaha gar gaarka ka shaqeeya ee UN ka Kuwa caalamiga ah iyo maamulka degmada Baydhabo, kadibna ay kaga gaashaaman donaan roobka.
Hayeshee sida ay qorsheynayeen waxba uma aysan dhicin, gar gaar dayee booqasho looguma imaan, iyadoo xiligii ay filayeen in curan doonto Deerta 14 Octoobar ay waqtigeedii ka soo hormartay.
Hada oo xaalku ku xunyahay, rajo mooyee hoo maheyaan, in ay hadlaan ugu yaraan bal in warkooda lamaqlo ayay is tuseen. Waxay donayaan ayaa ah, kol haddii ay afka furteen warkoodii warbaahinta baahisay ayaa ah hadalkooda oo la ajiibo cabashadooda oo la maqlo muuqooda oo loo damqado iyo cidlada oo loogu gar gaaro.
Baydhabo Soomaliya-{WMN}-Kusoo dhawaada Barnaamijka Kulanka Warsan oo Caawa kaga boganidoontaan Wareeysiyaal oo xasaasi ah waxaa Caawa soo saarey Wariye C/Rashiid Rashka Boy waxaa soo jeedinaaya isla Wariye C/ Rashiid Rash ka Dhageysi wanaagsan.
Wararka laga helayo degmada Jalalaqsi ee Gobolka Hiiraan ayaa waxa ay sheegayaan in halkaasi qarax lagu weeraray Ciidamo ka tirsan kuwa Jabuuti oo kamid ah howlgalka AMISOM.
Warar kala duwan oo qaraxaasi kasoo baxaya ayaa waxaa ay sheegayaan in Ciidamada xilli ay ku sugnayeen Bartamaha Suuqa degmadaasi bambaanooyin lagu weeraray halka warar kale ay sheegayaan in miinada nooca dhulka lagu aaso ah lala eegtay.
Inta la xajiiyey qaraxaas ayaa waxaa ku dhaawacmay Afar Ruux oo laba kamid ah ay yihiin Ciidamada Jabuuti,isla markaana ay jirtay rasaas ay fureen Ciidamada Jabuuti balse aan la ogeyn khasaaraha ka dhashay.
Wararka ayaa waxaa ay intaasi ku darayaan in mudo kooban ay ciidamad Jabuuti ay hakiyeen isku socodka dadka iyo ganacsiga Suuqa degmada Jalalaqsi xilliga qaraxa lala eegtay,hayeeshee xaalada haatan ay tahay mid degan.
Madaxweynayaashii hore ee Soomaaliya Xasan Sheekh Maxamuud iyo Shariif Sheekh Axmed oo gaaray Magaalada Kismaayo ayaa la kulmay Madaxweynaha Jubbaland iyo Madaxdii hore ee Galmudug iyo Koonfur Galbeed oo horay ugu sugnaa Kismaayo.
Waxaa sidoo kale Sawirka ku wehlinaayay Siyaasiga Cabdiraxmaan Cabdishakuur Warsame oo ka mid ah Madaxda si weyn uga soo horjeedda Xukuumadda Soomaaliya.
Madaxweynaha Jubbaland oo Kismaayo kusoo dhaweeyay ayaa sheegay in ay farxad u tahay in Madaxdii hore ay yimaaddaan Magaalada Kismaayo si ay uga qeyb galaan Caleema saarka.
Caleema saarka Madaxweynaha Jubbaland ayaa waxaa maanta u tagay Kismaayo Wafdigii ugu badnaa oo isugu jira Siyaasiyiin, Xildhibaano, Waxgarad iyo qeybaha kala duwan ee Bulshada.
DHAGEYSO: GUDOOMIYAHA DEGMADA AFGOOYE OO KA WARBIXIYEY SHIRKII WADATASHIGA EE KU SOO DHAMAADEY BAYDHABO .
Cabdinaasir Caalim Ibraahim, waa Gudoomiyaha Degmada Afgooye ee Gobolka Shabeellaha Hoose. Waxaa uu Idaacada Warsan uga warbixiyey shir u soo idlaadey Gudoomiyaasha Degmooyinka KGS, oo Garwadeen ka aheyd Wasaarada Arimaha Gudaha Maamulka KGS, kaa soo Ka socdey Magaalada Baydhabo oo Xarun ku meel gaar u ah Mamulka KGS .
Gudoomiyaha ayaa ka warbixiyey waxyaabaha ugu muhiimsana ee Shirka looga hadlaayey iyo araktidiisa waxyaabaha uu ka bartey Shirka maalmaha uu socdey .
Waxaa uu dhanka kale uu sheegey Gudoomiye Caalimow ,in Degmada afgooye haatan baahiyo fara badan ay ka jiraan. Sida Cisbitaalka degmada oo waqtigan ku dhow in ay u xirmaan sababo la xiriira mushaar la’aan heysata Shaqaalaha Cisbitaalka.
Waxaa kale uu gudoomiyaha sheegey in Wadooyinka degmada ay burbursanyihiin iyo musuq baahsan oo ka jira kuwaaso u baahan hagaajin si Dowladaha Hoose ee maamulka gobolka shabeelaha hoose iyo degmooyinkisa u gutaan shaqooyinkooda taasoo uu ka codsadey Wasiirka arimaha gudaha KGS, iyo Gudoomiyaha Gobolka Shabeelaha Hoose in arintaasi ay wax ka qabtaan .
Ugu dambeyn waxaa uu u mahadceliyey dhammaan Gudoomiyaashii ka kala yimid Degmooyinka KGS, oo isbarasho dhexmartey iyo sida quruxda badan ee Baydhabo loogu soo dhaweeyey ,
SAWIRO:-Gudoomiyaha Baarlamaanka Jabuuti iyo Gudoomiyaha Baarlamaanka Federaalka Soomaaliya oo Baydhabo soo gaaray.
Baydhabo(WMN) Gudoomiyaha BFS, iyo Gudoomiyaha Baarlamaanka Jabuuti ayaa soo gaaray Baydhabo. Waxaana Garoonka diyaaradha Shaati-gaduud ku soo dhaweeyey madaxweynaha , Gudoomiyaha iyo qaar ka tirsan xubnaha labada gole ee Baarlamaanka iyo wasiirada KGS.
Soo dhaweynta oo ahayd mid heer sare ah, waxaa labada gudoomiye iyo wafdigii la socday la soo qaaday madaxtooyada KGS, halkaasoo ay uga warbixiyeen warfadiyeenka ujeedka socodkooda Baydhabo.
“waxaan u imaanay Baydhabo in aan soo booqano Dowlad goboleedka iyo shacabkooda oo xiriir wada dhalasho iyo dhaqan uu kala dhexeeyo Bulshada ku dhaqan Dalka Jabuuti”. Sidaas waxaa yiri gudoomiyaha Baarlamaanka Jabuuti, Maxame Cali Xaamud.
Gudoomiyaha BFS, Mudane Maxamed Mursal Sheekh Cabdiraxmaan, ayaa la filayaa in uu ka qeeb galo Kol-fadhiga Sideedaa ee Golaha wakiilada oo ka furmaya Baydhabo maalinta beri si ay goob jog uga ahaadaan.
Halkan hoose ka dhageyso Warka:-
Akhriso+Codad+Sawir:-Idaacadda Warsan oo ku ogaatay aragti aruurinta dadweynaha in ay kordhaysa kalsoonida hogaaminta madaxweynaha KGS.
Barnaamishka bandhigga warsan oo baahiyey warbixin ka hadlaysa tobankii bilood ee la soo dhaafay qodobadii qorsha siyaasadeedkii madaxweyne Cabdicasiis Lafta-gareen ku balan qaaday mudanayaasha BKGS, hortooda iyo wixii uga qabsoomay ayaa markii la furay khadka teleefoonka dadweynihii ka aragti dhiibtay waxaa ay intooda badan soo jeediyeen in qaar ka mid ah uu madaxweynaha fuliyey, walina la gaarin waqti la dhaliilo
Waa kuwan qaabkii ay aragtida u dhiibteen dhagaystayaashii soo galay qadka teleefoonka iyo sidii ay aragtidooda ahayd.
Aragtida dhagaystayaasha inkastoo ay iska ag dhoweyd, haddana waxaa ay u garaabeen madaxweynaha iyo waqtiga uu joogo in aysan ahayn muddo la dhihi karo wuu guulaystay ma guulaysan laakin mudada uu joogay iyo waxqabadkiisa uu yahay mid isla eg oo waxna uu fuliyey waxna uu ay u dhimanyihiin oo laga filayo mudda xileedkiisa inta uga harsan in uu qaban doono wax ka badan inta qorsho siyaasadeedkiisa ka badan.
Tani waxaa ay muujinaysaa in hogaaminta madaxweynaha KGS, Cabdicasiis Xasan Maxamed Lafta-gareen durba kasbatay shacbiyad ku kalsoon oo la dhacsan wax qabadkiisa, taasoo ay ku ogaatay Idaacadda warsan ka qaybgalka bulshada argtidooda ee ay kaga qayb qaateen khadka teleefoonka barnaamishka Bandhigga Warsan.