Yearly Archives

2022

WARARKA MAANTA

Khilaaf u dhaxeeyey guddiga ganacsatada Islii oo xal laga gaaray

written by Warsan Radio

Guddiga ganacsatada Suuqa Islii ee magaalada Nairobi ayaa ku guulaystay inay xal ka gaaraan khilaaf dhowaan sababay inuu xilka iska casilo gudoomiyaha guddiga Suuqa Islii Xaaji Axmed Yare.

Xubnaha guddiga oo kulan ku yeeshay magaalada Nairobi ayaa shaaciyay in khilaafkaasi la xaliyay oo gudoomiyuhu uu shaqadii guddiga ee loo doortay uu wali isagu hayo..

13/12/2022 0 comment

WARARKA MAANTA

Dhageyso:-Warka Duhur ee Idaacada Warsan

written by Warsan Radio

Hoos ka dhageyso warka Duhur ee Idaacada Warsan oo aqrinayo Yusuf Sheekh Aadan (Qalinle)

13/12/2022 0 comment

WARARKA MAANTA

Midawga Yurub oo qorshaynaya inay taageero milari u fidiyaan Ukraine

written by Warsan Radio

Wasiirada arrimaha debedda ee Midawga Yurub ayaa ka fekeraya cunaqabatayn cusub oo ka dhan ah Ruushka iyo weliba inay ansixiyaan lacago dheeri ah, oo dalka Ukraine lagaga taageero dhinaca hawlaha milateriga. Tallaabadan ayaa kusoo beegmaysa iyada oo Maraykanku uu ballan qaaday taageerada joogtada ah ee Ukraine, xilli uu dalkaasi la baaxaa degayo duqaymo dhinaca cirka ah oo ay ku hayaan ciidamada Ruushku kaabayaasha muhiimka ah ee dalkaas.
Lacagta uu Midawga Yurub soo jeediyey ee lagaga doodayo Brussels, ayaa gaadhaysa illaa $2.1 bilyan oo dollar oo dalkaas lagaga caawinayo dhinaca saadka hubka ee la geynayo.
Midawga Yurub ayaa horey u soo rogay sideed wareeg oo cunaqabatayn ah oo lagu beegsanayo shakhsiyaadka iyo wershedaha Ruushka, si ay uga jawaabaan duulaanka Ruushku uu ku qaaday dalka Ukraine.
Wareega sagaalaad ee cunaqabataynada ee uu soo rogayo Midawga Yurub ayaa lagu beegsanayaa saraakiil ka tirsan dawladda Ruushka, wershedaha soo saara qalabka difaaca iyo weliba bangiyada Ruushka.

13/12/2022 0 comment

WARARKA MAANTA

Iran ayaa xukun deldelaada ku fulisay qofkii labaad ee ka mida debedbaxayaasha

written by Warsan Radio

Dawladda Iran ayaa Isniintii sheegtay inay xukunkii labaad ku fulisay maxbuus loo haysto mudaharaadadii dalka Iran ka bilaabmay bishii September ee sannadkan, ka dib markii dhimatay ay haweenay ay xabsiga dhigeen, ciidamada booliska ee anshaxa, kuwaas oo ku eedeeyey gabadhaas yar inaanay si habboon u daboolin timaheeda.
Wakaaladda wararka ee Mizan ee ay maamusho hay’adda garsoorka ee dalkaas ayaa sheegtay in Majidreza Rahnavard lagu fuliyey xukun deldelaad ah oo ka dhacay magaalada Mashhad, tallaabadaas oo digniin u ah dadka kale.
Rahnavard ayaa lagu eedeeyey inuu si ba’an u toorayeeyey laba askari oo ka tirsan ciidamada ammaanka ee magaalada Mashhad bishii hore, ka dib markii uu ka cadhooday in masuuliyiintu ay dil toogasho ah kula kacayaan debedbaxayaasha.
Kooxaha debedbaxayaasha ayaa sheegay in dawladda Iran inay illaa haatan dil ku xukuntay ugu yaraan toban qof, ka dib markii la soo taagay, maxkamad xidhan oo aan dadweynaha loo ogolayn inay ka qaybgalaan dhegaysigeeda. Muddo saddex bilood ah oo mudaharaadadu ay socdeen waxaa dhintay illaa 488 qof.
Kooxaha u dhaqdhaqaaqa xuquuqda aadanaha ayaa sheegay in xabsiga la dhigay illaa 18,200 oo qof.
Rahnavard ayaa noqonaya qofkii labaad ee ka mida debed baxayaasha ee lagu fuliyo xukun deldelaad ah.

13/12/2022 0 comment

WARARKA MAANTA

Askarigii dilay Juweeriya Subcis oo dil lagu xukumay

written by Warsan Radio

Askari ka tirsan ciidamada Itoobiya ayaa lagu xukumay dil kadib markii bishii Oktoobar 25-keedii uu toogasho ku dilay Juweeriya Subcis oo ka tirsanayd baarlamaanka gobolka Ismaamulka Soomaalida Itoobiya.

Xukunkan oo galabta dhacay waxaa idaacadda VOA u xaqiijiyey Maxamed Deeq Ibraahim oo ka tirsan xafiiska caddaaladda ee dawlad degaanka. Xukunkan waxaa ridday maxkamadda sare ee gobolka.

Juweeriya Subcis ayaa ku dhimatay rasaasta uu riday askarigaas xilli ay ku suganayd garoonka diyaaradaha ee Jigjiga, waxaana ku dhaawacmay laba qof oo kale.

Ma cadda xilliga askarigan lagu fulin doono xukunka. Sidoo kale ma cadda in askariga la xukumay uu racfaan ka qaadan doono xukunka.

13/12/2022 0 comment

WARARKA MAANTA

Maraykanka oo qorshaynaya inuu Afrika ugu yabooho $55 Bilyan

written by Warsan Radio

Maraykanka ayaa sheegay inuu ugu yaboohayo Afrika lacag gaadhaysa illaa $55 bilyan oo dollar, saddexda sano ee soo socota. Tallaabadan ayaa ku soo aadaysa, xilli uu madaxweyne Joe Biden uu isu diyaarinayo shirka Maraykanka iyo Afrika ee uu dalkiisu martigelinayo.
Dalka Maraykanka waxaa soo gaadhay hoggaamiyayaasha ka qaybgelaya shir madaxeedka aadka u ballaadhan oo dhexmaraya Maraykanka iyo dalalka Afrika, waxaana shirkan oo furmaya Salaasadan, la filayaa inay ka qaybgalaan wufuud gaadhaysa illaa 50 oo kala metelaya dalalka Afrika iyo ururka Midawga Afrika.
Inta uu socdo kulanka labada dhinac, ayaa la filayaa inay kaga wadahadlaan, dib u eegista xidhiidhka labada dhinac, kor u qaadista iyo xoojinta hay’adaha dawliga ah ee Afrika, muwaadiniintooda iyo weliba nidaamka dawliga ah, iyada oo loo marayo “in wadahadal laga yeesho, caqabadaha jira ee dhinaca caafimaadka, dimoqraadiyadda, maamul wanaagga, maalgelinta, horumarinta, isbedelka cimilada, iyo qodobo kale oo badan.
Shirkan oo furmaya Salaasada ayaa diiradda lagu saarayaa, “sidii loo ballaadhin lahaa iskaashiga wakhtiga dheer soo socday ee u dhexeeya Maraykanka iyo Afrika, iyo in la horumariyo danaha ay labada dhinac wadaagaan, iyo kor u qaadida codadka Afrika si ay si wada jira uga hadli karaan caqabadaha horyaalla xilligan” ayuuu yidhi sarkaal u hadlay dawladda Maraykanka oo magaciisa qariyey.
Sarkaal kale oo Maraykanka ayaa isagu sheegay in laga yaabo inay shirka ka soo baxaan goaano iyo hindisayaal waaweyn, ka dib marka uu dhamaado saddexda maalmood ee la qorsheeyey.
**Yaa ka qaybgelaya shirkan:**
Afhayeen u hadlay golaha ammaanka qaranka ee Maraykanka ayaa u sheegay VOA in la martiqaaday illaa 50 wefti oo kala metelaya 49 dal oo ku yaalla qaaradda Afrika iyo weliba ururka Midawga Afrika, kuwaas oo xaqiijiyey ka qaybgalkooda, waxaa kala duwan heerka metelaadda ee dawladaha ka qaybgelaya shirkan.
Wefti ka socda dawladda Soomaaliya oo uu hoggaaminayo madaxweyne Xasan Sheekh Maxamuud ayaa soo gaadhay dalka Maraykanka, kuwaas oo ka qaybgelaya shir madaxeedkan.
Aqalka Cad ee dalka Maraykanka looga arimiyo ayaa sheegay inay jiraan illaa shan dal oo Afrikaan ah oo aan lagu casumin shirkan oo ay ka mid yihiin Burkina Faso, Mali, Guinea iyo Sudan, iyada oo sababta aan dalalkan loo casumin lagu sababeeyey, maadaama uu ururka Midawga Afrika uu hakiyey xubinimadii dalalkan, ka dib markii sifo aan sharci ahayn loo bedelay xukuumaddii dalkaas ka ariminaysay. Sidoo kale waxaa liiska dalalka aan la casumin ku jira dalka Eriteria oo aan xidhiidh diblomaasiyadeed la lahayn Maraykanka.
**Wadahadalada dhinaca ciidamada**
Waxaa la filayaa in shirkan lagaga hadlo, sidii Maraykanku ugala shaqayn lahaa dalalka Afrika, dhinaca caqabadaha ka haysta ammaanka, gaar ahaan gobolka Saaxil ee Woqooyiga Qaaradda Afrika iyo weliba Soomaaliya.
Kaaliye ku xigeenka dhinaca wasaaradda difaaca Maraykanka u qaabilsan arrimaha Afrika Chidi Blyden oo toddobaadkii hore la hadlay weriyayaasha ka soo warama wasaaradda difaaca, ayaa sheegay in kooxda al-Shabaab ee ka dagaalanta Soomaaliya inay weli tahay halista ugu weyn ee jirta.

13/12/2022 0 comment

WARARKA MAANTA

Dhageyso:-Warka Subax ee Idaacada Warsan

written by Warsan Radio

Hoos ka dhageyso Warka Subax ee Idaacada Warsan oo aqrinayo Bilal Hilal Shueb.

13/12/2022 0 comment

WARARKA MAANTA

Dhageyso: Barnaamijka Kulanka Warsan

written by Warsan Radio

Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.

12/12/2022 0 comment

WARARKA MAANTA

dood ku saabsan dhaqdhaqaaqa 16ka maalmood ee December oo lagu qabtay magaalada baidoa

written by Warsan Radio

Dooda oo ku saabsanayd ilaalinta xuquuqda haweenka ayaa inta ay socotay waxaa looga hadlay kaalinta haweenka ka qaataan horumarinta qoyska iyo dhibaatooyinka ay la kulmaan iyo sida ay tahay in loo ilaaliyo xuquuqdooda.

12/12/2022 0 comment

WARARKA MAANTA

Ganacsade Caan ahaa oo lagu dilay degmada Cabudwaaq & faah faahin kasoo baxeysa

written by Warsan Radio

Wararka naga soo gaaraya degmada Cabudwaaq ee Gobolka Galgaduud ayaa sheegaya in maleeshiyaad hubeysan ay Bartmaah degmadaas Galabta ku dileen Nin Ganacsade caanka ahaa, iyaga oo dilka kadib goobta ka baxsaday.

Maleeshiyaadka ayaa Ninka Ganacsada ahaa oo lagu magacaabi jiray Maxamuud Cabdinuur ku dilay Kaalin Shidaal oo uu kulahaa Xaafada Waaberi ee bartamaha degmada Cabudwaaq, sida ay dad goobjoogayaal ah u sheegeen Warbaahinta.

Wararka aan helnay ayaa sidoo kale sheegaya in dilkaan uu salka ku haayao arrimo la xiriira dilal aanooyin qabiil oo ka dhaxeeya qaar kamid ah beelaha dega degmada Cabudwaaq, kuwaas oo dhowr jeer soo laab laabtay.

Ciidamo katirsan laamaha Amniga degmada Cabudwaaq ayaa gaaray goobta uu dilka ka dhacay, iyaga oo baadi goobayay dadkii ka dambeeyay dilkaas, wallow aysan ku guuleysan inay soo qabtaan, hayeeshee meydka Ninkii Ganacsada ahaa ay goobta ka qaadeen.

Maamulka iyo laamaha Amniga degmada Cabudwaaq ee Gobolka Galgaduud ayaan weli ka hadlin dilka Ninka Ganacsada ah loogu geystay degmadaas, waxaana dhowr jeer kusoo laab laabtay degmada Cabudwaaq dilalkala xiriira Aanooyinka qabiil.

12/12/2022 0 comment

Newer Posts

Older Posts